26歲的Stephen說得認真：「砌Lego，唔係細路仔玩意咁簡單。」
問他此話何解，他板起了面孔，說得更鄭重：「Lego考想像力，只要有Brick在手，就砌乜有乜；亦考觀察力，一盒Lego閒閒哋過百件Brick，叫你摷件啱使嘅都好嘥眼力；最考係理解力，有說明書都唔代表你一定砌得掂，重要有耐性……」耐性，Stephen一定有。
十多年來，花了13萬，不斷地在網上交易，不停地搜集資料，才換回家中那一千一百盒Lego，確實少點耐性也不成。
記者：陳漢榮 攝影：陳盛臣
80年代，很多貨品興贈送Lego，Stephen回憶：「克寧奶粉送人仔，我重記得只有9件Brick，型號係605。」一砌，愛不釋手，那年他7歲，沒零用錢，嚷着要買這買那，但鬧着哭也沒用，母親就是不買：「記得嗰次我死都唔肯去剝牙，阿媽開條件，肯剝牙就送隻直升機畀我，痛得我幾慘呀！不過好開心，隻直升機賣$75，80年代嚟講好貴㗎嘞。」打後幾年，但凡聖誕節、生日又或考試有進步，床頭總添多盒Lego，小學畢業時已儲了20盒。升中，那20盒Lego棄置在床下底：「嗰時覺得小朋友先會玩Lego，我掛住打籃球、打機、追女仔，無玩咗一排咯！」某次逛萬寧，重燃他對Lego的熱情。
「嗰日WindowShopping，見到盒747客機連穿梭機，萬寧賣舊盒倉底貨，7折再9折，心血來潮買返屋企，砌完好開心。」望住完成品，Stephen上網尋有關Lego的網頁：「呢兩個網站害死我，一個叫Brickset，有齊所有Lego型號資料，另一個叫Brickshelf，Post咗大部份型號說明書。」床底那20盒封塵的Lego，早已遺失說明書，現在得已解封，重見天日：「嗰份熱情返晒嚟，愈砌就愈想擁有，愈想擁有就愈儲愈多，之後透過網上交易同ebay，儲吓儲吓過千盒，前後使咗13萬，多到要租商場舖位安置啲寶貝……」
長頸鹿得來不易，Stephen在大陸買Lego，買滿$100抽獎1次，花了$1,300才中獎；藍罐曲奇附送迷你Lego人仔系列，害他連吃12罐才儲齊，從此發誓以後不吃曲奇。
每日不看Lego網頁，睡不着，10年來的網上交易，所有Lego型號、價錢、來源、購入日期統統輸入電腦，巨細無遺。
99年Lego公司出版的官方PictureBook《UltimateLego》，香港無得賣，Stephen網上訂購，翻看又翻看。《LegoMagazine》1年4期，Stephen是LegoClub會員，追看Lego最新行程。