「創作特別驚　點知幾時會犯法？」
填詞人改編歌曲反23條

大遊行當日，民間人權陣線找來金佩瑋幫手寫首新歌打氣，結果她改編了《WeShallOvercome》，就在六月二十三日，香港卸下疫埠惡名當天寫成了《心連心，抗廿三》。

「點解唔可以慢慢傾」
「我唔係反對23條立法，問題係啲人嘅態度好唔合理，好似趕住去死咁，點解唔可以坐低慢慢傾？用兩、三年時間，一人讓一步，大家妥協。𠵱家嘅速度好畸形、好荒謬。」。
三十九歲的金佩瑋是中文大學性別與宗教學研究生，之前做過電台監製、做過雜誌編輯、做過婦女團體幹事。她說《國安條例》草案對這些工作統統有影響，「創作特別驚呢啲法例，點知幾時會犯法？」
7.1當日，她在似火驕陽下高唱《心連心，抗廿三》，這首歌是在六月二十三日，香港卸下疫埠惡名當天完成的，「香港人抗沙士呢件事令我好感動，感覺香港人好叻，好團結，唔需要靠政府，估唔到人民質素咁高。」所以她在歌詞中帶出香港人愛香港的信息，市民自己也有能力改善香港，「既然個廢政府冇可能消失，惟有靠自己，保衞自己最寶貴嘅嘢──自由。」

讀書時開始作曲寫詞
金佩瑋讀書時已經開始作曲寫詞，一九八九年，她在香港電台任職監製期間，發生了天地同哭的六四事件，她改編了民歌《DoYouHearthePeopleSing？》，填上新詞，名為《人民之歌》。臨近九七，愈來愈多民間團體找她作曲寫詞，為集會遊行加入更多感性元素。
三日之後，《國安條例》草案恢復二讀，那日會有成千上萬市民包圍立法會。她想把九七年抗議公安法的主題曲《誰說》獻給7.9集會的人，「當時覺得政府想我哋乖乖哋做隻生金蛋嘅鵝，政府冇當過我哋係完整嘅人，𠵱家嘅情況一樣。」
記者：蔡元貴