人紅咗自然就名利隨之而嚟，韓國五人性感組合BabyV.O.X.最近好鬼忙，但就唔係忙唱歌練舞，而係忙拍廣告搵真銀。佢哋啱啱先同一間公司簽約推出個人品牌內衣，分帳時袋三成利潤。前日佢哋又以一身迷人pinklady打扮，出席一個淨水器廣告會。不過五個成員中，以隊長金E-Z最叻，佢一個人拍嘅手機廣告，就嚟係香港、台灣以至澳洲都有得睇啦！