問題１：通常在哪裏較易買到Mini-Z及相關零件？
貼士：旺角廣華街是香港遙控模型的集中地，大約有二十間模型店舖，提供大量選擇給玩家。不過，由於價錢有很大分別，選購時不妨多找兩間格價。
問題２：一部Mini-Z大約價錢多少，買車時要注意甚麼？
貼士：一般價錢大約在五百至六百五十元左右，包括車及遙控器。選購時留意套裝車分為「行貨」及「水貨」，前者由香港京商總代表取貨，然後在香港發售，出產地為中國大陸；後者直接在日本返貨，產地為日本。由於兩地貨品質素有別，行貨焊接電線手工較差，而水貨就冇保養，各有缺點。
問題３：和朋友一起玩車時，兩車易失控，原因如何？遇上了應如何解決？
貼士：因為兩架車嘅頻道一樣，一齊玩就有俗語講「撞Band」情況。事實上一般頻道分為八種「01-08」，通常遙控器背後有一貼紙會寫着。遇上「撞Band」時，解決方法只要將遙控嘅「發射器」與車底嘅「接收器」抽出倒轉插回便可。
問題４：新車入彎時經常出現「甩尾」情況，但其他人嘅車入彎時好穩定，點解？
貼士：主因係車胎問題。原裝胎嘅硬度多為50度或60度，故此咬地力較弱。建議可以換軟嘅車胎，好似40度或30度嘅車胎，甩尾情況應該會減少。最多人用嘅Setting係「前40度、後30度」，而車胎價錢約$30-$40左右兩對。