【本報訊】立法會將於本周三恢復二讀及三讀將足球博彩規範化的《博彩稅條例修訂草案》，若獲得通過，政府最快在下月一日發牌給香港賽馬會，讓市民可趕及投注當日「開鑼」的德國甲組聯賽。馬會投注事務執行總監陳承楷表示，會參考外圍賭波公司的投注方式，盡量做到多元化，但投注站將不會轉播足球賽事。
陳承楷接受傳媒訪問時重申，賭波玩法一定要多元化：「除咗主、客、和；亞洲盤；波膽；半、全場……總入球嘅估雙單」他又說：「咁我哋當然要睇佢哋（外圍賭波公司）提供啲乜嘢，同埋佢邊啲係吸引，我哋未必需要跟到十足，但要睇住邊啲係受歡迎嘅嘢，我哋一定要有，唔一樣，都要有類似嘅玩法。」
民政事務局副秘書長余志穩謂，條例中沒有規定投注方式，是要顧及馬會營運的彈性，但部份投注方式一定不會批准。「例如左腳入球、右腳入球，或者着乜嘢色波鞋，呢啲通常容易操控，所以係唔會畀嘅。」
賭波合法化後，馬會將會延長場外投注站開放時間至晚上十一時半，以便市民投注，但有居住在酒吧區的居民指出，去年世界盃舉行期間，經常被一些去酒吧觀賽的球迷滋擾，擔心日後造成嚴重噪音問題。
警方則表示，若酒吧發出過量噪音，會先發出口頭警告，無效便會提出檢控。