26歲的Stephanie視愛情為她的第二生命，男友如走馬燈般一個緊接一個，身邊的朋友冠以「花弗」之名。一直被人認為玩世不恭、不會結婚的她，明天便披上嫁衣，臨結婚前終於可以向眾友好澄清：「我沒有你哋想像中花弗，我只是追求自己喜愛的戀愛方式。」
記者：區佩嫦
Stephanie的戀愛方式並非人人可以接受兼認同，朋友認為她是見一個愛一個的人。她聞言反駁：「我睇人睇得好快就真，無人可以喺我面前扮到嘢，拍個幾月拖就知啱唔啱我，唔啱就散，唔好嘥大家時間。」
滿以為Stephanie唔會為了一棵樹放棄整個森林，誰知她突然向友伴宣布婚訊，朋友還帶笑地問：「唔知真定假，到你結婚前的兩星期先再通知我哋啦！」這次Stephanie的朋友真的跌到成地眼鏡，明天便成為人婦，心情當然興奮。問她與其老公的戀愛史，她笑：「都幾突然，其實我哋識咗6年，但因為一次交通意外，我和他先發覺原來對方咁適合自己，之後便拍起拖來，三個月後他突然和我講：『不如結婚囉！』我覺得時機成熟，咁咪結婚！」
我同佢拍了年幾拖，仍有熱戀的感覺，我覺得自己一定會好幸福。」Stephanie對老公的唯一一個要求，原來亦十分簡單：「我希望坦白，有乜投訴即管講，我唔係你想像中咁刁蠻。」人哋老公聽到未呀！