「希望佢搵到個啱嘅人」
關心妍抱歉令蕭正楠慘痛

關心妍與蕭正楠由初出道時的金童玉女變至如今反目成仇，男方更曾指這段緋聞是他的慘痛回憶。前晚關心妍出席卡拉OK活動時對此謂「唔好意思」，她更勸對方看開一點，以後找個沒有是非的女仔合作。

關心妍、許志安、余文樂、MiniCookies、Shine及盧巧音等，前晚到銅鑼灣出席「Neway蕃薯會成立日」，關心妍曾與蕭正楠以金童玉女姿態合唱，因而傳出緋聞，但兩人最後不歡而散，蕭正楠早前更公開指該段緋聞是一個慘痛的回憶。不過關心妍前晚接受訪問時，則勸蕭正楠凡事要看開一點。

「做人要開心啲」
關心妍說：「唔好意思呀，令佢有慘痛回憶，始終呢個係一個合作關係，睇自己點睇嘅啫，睇開啲啦，唔好太認真，做人要開心啲，希望佢以後搵到個啱嘅人，冇咁多是非嘅女仔，開心咁合作，有個甜蜜嘅回憶囉。」
問關心妍會否受到傷害，她說：「我唔覺hurt喎，我同佢合作有開心回憶呀，大家當時都係新人，一齊做騷，不過𠵱家大家冇乜聯絡，都幾可惜，但我都控制唔到，好小事啫，等大家成熟啲再合作，或者好啲呢，大家重有咁耐時間喺呢行發展。」

安仔預早慶牛一
此外，許志安將於下月十二日生日，前晚大會特別為他預早慶祝，在台上大切壽包。而MiniCookies提到稍後將招募新成員時，她們都異口同聲表示希望新成員與自己差不多年紀，身材則要比她們有睇頭。對於有傳聞謂Stephy獲力捧而扮大牌，其餘三位成員都力撐她，不相信有關報道。
採訪：李珮洳、卓美娟
攝影：仇志德