早前，有傳太古汽車會退出香港車壇，雖然有關方面並未有落實日期，惟負責富豪（Volvo）及現代（Hyundai）嘅前線及後勤人員，卻一再精簡人手，現時可謂所餘無幾。想唔到早兩日，身兼富豪及現代市場部大姐大嘅JessicaChe，與ProductManager嘅ElvenLeung亦正式離職，兩人嘅工作會交由外籍上司負責。至於現代方面，據知代理權會直至今年底，故現時日常運作就要交由MarketingManager嘅BennyHo獨力承擔喇！講番富豪，一再押後抵港嘅XC90新一代CitySUV，雖然早前預售有高銷量，惟亞Mark聽聞廠方跟太古高層一直談不合攏，相信遲吓呢部XC90正式抵港，會係代理權移交新公司後嘅首項重頭戲，曾經落咗訂嘅準買家，就要耐心多等一會喇！