平機會主席胡紅玉一向敢言，政府唔同佢續約，令外界更覺政府無容人之量；申訴專員戴婉瑩亦都係敢於批評嘅人，佢喺明年四月任期屆滿，去留當然惹人關注。
戴專員噚日同八方講：「如果有得做就做，如果冇我都有好多興趣呀！」原來佢近來熱愛攝影同寫大字，重去咗一間寺院學易經㖭！佢話：「而且我喺愛爾蘭有一間向海嘅屋，今個假期就會成家人去，第時退休可以去嗰度玩吓！」
八方一路聽一路好嚮往，如果有朝一日可以有咁嘅享受就好，但八方最嚮往嘅係，戴專員嗰份「隨遇而安」嘅情操；不過，八方發覺專員每次講起申訴署成功獨立、同埋點樣處理投訴等等，就會眉飛色舞，單憑呢點，雖然佢冇講，但八方亦感受到佢唔係咁容易放得低！
（圖）戴婉瑩話自己大把嗜好，冇工開都唔會悶！
傳真︰2623-9278
電郵︰