啱啱轉會到西班牙發展嘅萬人迷碧咸（DavidBeckham），佢幾有錢我諗大家唔使講都知，最近佢同老婆Victoria睇中咗委內瑞拉前總統喺馬德里嘅超大豪宅，有成二十幾間房之餘，重要有個直升機停機坪㖭！個設計好似薩達姆喺伊拉克嗰間屋咁，聽聞碧咸好似都有啲意思。另外，英國BBC電視台第三台，選咗碧咸夫婦做英國見報率最高嘅夫婦。