陳加玲和前男友羅傑承發生錢銀糾紛，陳加玲指在年半前的一宗生意中，羅傑承未有將她應得的一千萬利益還給她，而羅傑承則聲稱冇欠陳加玲錢，兩人各執一詞。
昨日陳加玲接受本報電話訪問時說：「今日好多人搵我問呢件事，朋友都好關心我。每個人都有底線，超越咗底線，正常人都會失控。我同佢一齊咁多年，幫過佢無數次，無論係錢銀抑或係其他嘢，有好多嘢唔可以用錢去衡量。我唔係要回報，只係希望唔好俾人欺負，如果佢唔畀番嗰一千萬我，我一定堅持到底，同佢對簿公堂。」
陳加玲續說：「佢噚日聯絡過我，叫我唔好同傳媒講呢件事，今日佢冇搵過我，我講呢件事出嚟，係想起警世作用，話畀大家知要帶眼識人。」昨日本報聯絡上羅傑承，他表示一切已交由律師處理，暫不作回應。
採訪：陳月媚