日前7.1超過五十萬人參與大遊行，反對23條立法。不過陳百祥（阿叻）昨日出席愉景灣「我愛香港高球慈善賽」活動時，則表明自己支持保安局局長葉劉淑儀及就23條立法。
阿叻稱支持葉劉淑儀立法，還說若市民「唔鍾意嘅，八二至九七年間可以去移民啦，國有國法、家有家規」。
對於阿叻的言論，杜汶澤昨日在電話中回應說：「我覺得阿叻擁有典型香港人特色，醒目、走精面、鍾意認叻，呢種人生存能力好大，但要咁先得到想要嘅嘢，我寧願做蠢仔咯！」
杜汶澤續說：「我希望巿民唔好怪責佢，大家亦唔好嬲佢，人嘅質素同認知能力係有高低嘅，見到啲咁嘅人，大家亦唔使太激動。就係因為大家質素唔同，政府更加應該將23條詳細咁講畀人聽。我哋需要嘅，係詳細嘅溝通同研究，根本就好多人唔明乜嘢係23條。」
練馬師簡炳墀則指阿叻講風涼說話，他在電話中說：「阿叻講錯嘢，佢唔可以叫人去移民，香港係自己地方，點解要移民？為下一代着想，香港人應盡量爭取自己嘅權益，唔好做縮頭烏龜！冇民主就冇自由，唔好講埋啲風涼話啦，狡兔死，良狗烹呀！」
採訪、攝影：張止寒、汪正文