籮霸珍妮花洛庇絲（JenniferLopez）不嬲都係豪放一族，不過我羅拉估唔到佢真係豪放得咁緊要。 話說籮霸最近同人講，佢三姊妹由細到大，都鍾意唔着衫喺屋企周圍走。直至今時今日，籮霸呢個咁與別不同嘅習慣，始終冇改變過，就算有朋友去佢屋企坐，佢都可以全裸上陣。籮霸話：「搵得我嘅多數係我嘅姊妹同我啲基佬朋友，怕乜嘢啫？」