陳慧嫻昨晚在紅館舉行演唱會,其醫生男友謝國麟亦有到場打氣,慧嫻公開說自己是真女人,背後有位真男人,相當甜蜜。當有觀眾指慧嫻發福時,她即說:「我爸爸覺得我係最靚㗎。」
陳慧嫻昨晚開始在紅館舉行一連兩場《恒藝珠寶陳慧嫻珍演唱會》,請來譚詠麟及李克勤任表演嘉賓,入座率達九成。慧嫻穿着一身白色及金色羽毛外套,戴上鑲了珠片的魚網面罩,坐在一張高踭鞋造型的櫈上出場。
慧嫻的醫生男友謝國麟昨晚到紅館捧場,並署名「醫生」送花牌給慧嫻打氣,劉德華、盧淑儀、葉蘊儀及已故歌手羅文生前的助手阿東一同到場,華仔開場時一直站在控制台指指點點,似為慧嫻演出給予意見,克勤上前與他聊了一會後,便到觀眾席陪女友盧淑儀睇騷,等待出場。
慧嫻出場後對觀眾說:「我份人好坦白,今日狀態唔係咁好,噚日唱得太耐呀。」慧嫻又解釋演唱會取名「珍演唱會」的意思,她說:「珍嘅諧音即係話我係個真女人,我樣樣嘢都真,連耳環嘅珠寶都真嘢,唔係假㗎。」現場即有觀眾大叫:「唔係呀嘛?」慧嫻聞言愕然道:「你覺得邊度唔係呀?我咁坦白,我連年齡都唔收埋。所有真女人背後都有個真男人,我嘅男人個個都見得光,如果你哋走漏眼,咁聽日嚟過啦。」
慧嫻獻唱幾首歌後,突然有觀眾大叫指她發福了,慧嫻即說:「我瘦咗咁多年,肥吓得唔得呀?我爸爸覺得我係最靚㗎。」慧嫻說罷隨即脫去羽毛外套,以一身黑色吊帶裙亮相,其身材明顯比前豐滿。
採訪:王連連
攝影:仇志德