工商及科技局局長唐英年做問責局長都有一年，但做嘢都重係懵懵吓，所以俾人笑佢「Naive（天真）」。
話說噚日議員梁劉柔芬提出一個關於亞太區時裝中心嘅議案，原本要由唐英年負責回應。點知唐少喺討論前，離開咗議事廳，令會議暫停咗十幾分鐘，搞到主席范徐麗泰面都黑埋。其實佢上任冇耐，已經試過一次連自己提嘅決議案都遲到。
當唐少俾人Call到爆機趕返立法會時，民主黨議員李華明見到佢笑咗一句：「你好似係第二次嘞。」
唐少嘅回應真係一絕，據肥仔明形容，佢以一副好naive嘅態度反問：「啲Member'smotion（議案）要局長在場嘅咩？」肥仔明一時唔識回應，因為佢諗唔到唐少做咗一年局長兼N咁多年議員，連咁簡單嘅規矩都唔知。
傳真︰2623-9278
電郵︰