早前張栢芝及鄭中基表示不能參與7.1遊行，栢芝稱要往內地公幹，鄭中基則謂要拍戲。可是7.1當天二人卻不約而同在大浪灣游水及曬太陽，日前吳君如忠告他們：「下次講嘢小心啲！」
張栢芝昨日在筲箕灣拍攝新戲《忘不了》，當她聽到君如的忠告時，滿不在乎地說：「nocomment（不願置評）！nocomment！」她日前不慎𠝹傷臉部，她說：「噚日睇咗醫生，𠵱家要用粉冚住。」
而鄭中基昨日在中環拍攝新片《龍咁威》，他說：「我係有諗過去遊行，但冇話實會去。我覺得如果俾人監住去，就失去咗民主同埋剝削咗自由。嗰日嘅戲臨時取消咗，咪約咗李燦森去曬太陽，我嗰日都有着黑衫支持！太多藝人去就會好似一個騷。」