立法會議員李柱銘曾經諷刺過會內有好多「咖啡議員」，坐定粒六「23條」一定夠票通過，審議法案時成日走咗去立法會前廳「飲咖啡、睇電視」。
噚日議員張宇人同傳媒飯局，講起一樣好奇怪嘅事，話立法會前廳內嘅咖啡機，最近唔知因乜緣故壞壞哋，一時冇水，一時又出唔到咖啡。有記者忽然靈機一觸，話實係連架咖啡機都頂班「咖啡議員」唔順，一於罷工，可能過咗二十三條先會回復正常。
講開張宇人，佢嘅量度比特首大，因為連鎖餐廳「扒王之王」一招「叫董建華送田螺」被特首辦叫停，再出一招「叫張宇人送香腸」。張宇人不但唔介意，噚日重同人去幫襯，更大讚送嘅德國法蘭克福香腸美味。
傳真︰2623-9278
電郵︰