【本報訊】五十萬人上街兩天後，不少參加遊行的市民都認為，行政長官董建華仍欠他們一個交代，多名市民昨致電電台節目，強調他們並非如親中人士所指，受到誤導才去遊行，有市民坦言對政府好失望和痛心。
昨日香港電台《千禧年代》節目上，大部份致電的市民都曾參加遊行，其中江小姐表示，「遊行嘅市民用腳行出自己嘅路，冇等任何人嘅恩賜，冇組織性，係用心、用力、用自己嘅智慧去行呢步路，有咁好嘅人民，值得有一個更好嘅政府。」
李先生指出，「誤導幾個人容易，誤導五十萬人好難……我自己會去睇，去聽，每一次董特首做錯嘢，我哋都身受（其害）。」他批評港區人大代表鄔維庸誤導董特首。
楊小姐則指出，「七月一日遊行，全世界都睇到，呢個政府真係好醜，對佢哋好失望、痛心，大家咬實牙關捱唔緊要，完全無能嘅人點統治一班有智慧嘅人，律師公會都覺得有問題，裏面一定有盲點，我哋同政府係講『法理』，唔係講『信你』。」
吳先生表示，「咁平靜的遊行顯示市民對政府仍有少少希望，但如果少少希望都冇，最後公民抗命就暴動。」