很多市民以為沙灘排球一定要到沙灘才有得玩，不過，現在這個想法要改變一下！因為位處彩虹道遊樂場的全港唯一市區沙灘排球場已正式開放，日後想打沙排，不用再到屯門的黃金海岸。其實沙排不但刺激好玩，而且在驕陽下打波，曬得一身健康的古銅膚色之餘，更能極速瘦身消脂，難怪玩沙排的男女個個都又Fit又健康。
文：曾雁平圖：區民傑
由室內排球演變而來的沙灘排球，因受場地因素影響，令這項在北美洲極之流行，充滿動感及活力的運動，難以在港普及；但隨着彩虹道沙排場落成啟用，情況可能改善。香港女子沙排代表鄧明媚及唐麗明，於四年前從排球轉打沙排，近年曾代表香港參加亞運、亞洲及世界巡迴賽，可說是經驗豐富，由她們來介紹沙排可謂合適不過。
唐麗明：感覺好輕鬆自由
「掌握到排球基本技術，其實已可轉打沙排。而打沙排同排球嘅感覺可以話完全唔同，當然室內排球其實都好好玩，但當你接觸過沙排後，就可能會覺得沙排重好玩，因打波嘅時曬住太陽，吹住海風，球迷又可以飲住嘢嚟睇波，嗰種感覺好輕鬆同自由。」
「沙排每隊只得兩個人，所以每個都有機會接波及set波（托球），同埋殺波（扣球）等動作，對技術嘅要求同掌握會比正式排球高多啲，但觸球嘅次數多好多，經常要飛身救球，打起上嚟比較刺激同有滿足感。當兩個人憑住合作、默契同技術取分或者贏波，會好開心。沙排喺室外進行，球員打波時所用嘅體力比排球多，而比賽又冇暫停，體力要求好高，經常打可消耗體內脂肪，有助keepfit。」
排總沙排發展總監鄭景良指出，排球是一種全身的帶氧球類運動，全身每個關節及肌肉都可到，比賽過程經常要跳躍救球，運動量甚大，身體柔軟度要求相當高。
故此對收緊身體線條和改善柔軟度有很大幫助。另外，試想像在烈日當空下，進行如斯激烈的比賽，相信不需十多分鐘已汗流浹背，可說是消脂減肥的妙法。
