對於一直缺乏沙灘場地的排球總會來說，這個位於彩虹道的沙灘排球場可說是及時雨，排總沙排發展總監鄭景良說：「近年參與沙排嘅人是愈來愈多，可是只得位處屯門嘅黃金海岸一個合規格場地，交通唔係太方便，而場地並未安裝夜燈，球員放工後想練都冇得練。」
總監鄭教練表示：「我哋喺九八年曾專程到泰國曼谷，參觀咗一個他們為亞運而興建嘅沙排場，參觀完後就做咗個計劃書畀康文署，希望香港都可以起一個位處市區，設有夜燈嘅沙排場。」
「而經過幾年爭取，康文署決定響呢度（彩虹室內運動場側）改建成沙排場，而呢個場對香港嘅沙排發展有好大幫助，首先可增加代表隊嘅訓練節數，由以往嘅每兩星期只可練兩次，增加到現在嘅四次，就算運動員夜晚放咗工都重可以練。」鄭教練說。
他表示，好似女子沙排隊在亞運後將一星期的訓練次數，增加到四次，這對提升球員技術有很大幫助，他說：「排總可辦多啲訓練班，對推廣這項有益身心嘅運動有好大幫助。」
彩虹道沙灘排球場簡介
地址：黃大仙彩虹道遊樂場
開放時間：上午7時至晚上11時（逢星期一上午暫停租用）
租場查詢電話：23517456
排總將在暑期舉辦青少年及成人沙灘排球訓練班，並舉辦沙灘排球賽，細節本月稍後時間公布，如有興趣者可致電排總查詢。
排總電話：27710293