李妮最近跟台灣富商的兒子李威良（William）蜜運，但昨日本報卻接獲消息指台灣女星林熙蕾成功撬了李妮牆腳。
記者昨日聯絡李妮，她說：「冇可能，我同William一直都好好，佢喺新加坡發展電腦事業。我哋每兩星期就會見一次面，我屋企同佢屋企關係都好，佢嘅家人重好低調㖭。」
李妮表示與William交往前，對方已坦白的交代過過往的情史，李妮說：「William同我講過係識林熙蕾，佢哋係美國大學嘅同學，平時都會有聯絡。但我好相信男友，佢對我講話冇同林熙蕾拍過拖。」
此外，問李妮其男友可曾向她求過婚，她說：「都有，但我未應承佢，我同男友𠵱家都以事業為重。」
採訪：比華利