Intel當年曾講過，以Nortwood為核心嘅P4處理器，其時脈速度極限為3.2GHz，不經不覺到今日，Nortwood已經完成歷史任命，推出終極嘅3.2GHz型號。好多用家都期待呢粒外頻行800MHz嘅終極處理器，始終時脈速度愈快，對其獨有嘅HT技術有愈高表現。可惜喺日本雖已開始派貨落各大腦場，但香港因假期關係，預計明日先開始有貨賣。P43.2GHz售價約美金450（約港幣$3,510），雖然香港暫時未有確實定價，不過腦場一般估計都係賣$3,500至$3,700，以新處理器計唔算開天索價，不過要注意目前只有865同875兩種底板晶片組支援，想升級要預埋換底板嘅錢。
記者：徐影龍
相關網址：