張敏儀大姐噚日出席老牌雜誌《讀者文摘》中文版酒會，呢本雜誌七月號會登出一篇佢嘅訪問。張大姐上台致辭，話原本要講吓逆境自強，但經過沙士一役及7.1大遊行，相信呢個題目都唔使佢講，港人已經表現出堅持理想及原則。
既然唔使講，不如睇吓篇訪問──張大姐話自己雖然表面上好強硬，但私底下係一個好感性嘅人，小學六年級已經睇《紅樓夢》，又好多嘢都唔捨得，例如剪唔剪頭髮、好唔好丟掉一本書，都要考慮好耐。
呢樣真係睇唔出，不過被問到多年來最大嘅「得」與「失」，張大姐主動提起有人會認為佢冇結婚係憾事，但佢自己又覺得唔一定要咁睇。
講到喺港台工作十三年，張大姐話唯一嘅遺憾，就係未能見到港台好似BBC咁脫離政府架構，真正獨立。
傳真︰2623-9278
電郵︰