萬綺雯和編劇夫婿陳十三日前到了峇里島，慶祝結婚三周年。陳十三此行更為太太拍攝不少比堅尼靚相，不施脂粉的萬綺雯充滿自然美，她又浸在水中，擺了出水芙蓉姿態，非常誘人。
萬綺雯和編劇夫婿陳十三轉眼結婚三年，兩夫婦每年都會到外地旅行，慶祝結婚周年，今年就選擇了到峇里島充電。陳十三還充當嬌妻的私人攝影師，為萬綺雯拍攝比堅尼寫真。
萬綺雯日前說：「因為除咗老公嘅攝影技術好之外，我畀佢影就最放心，最有安全感。」萬綺雯全輯靚相均不施脂粉，因為她認為以真面目示人最具自然美，又大騷一雙四十三吋長腿，養眼非常。
現年三十二歲的萬綺雯說：「我每年都會影一次，不過唔知遲啲係咪要化妝先上鏡，但我暫時都唔需要啫。我呢啲相都係想珍藏，等老咗攞番出嚟睇，當係一個紀念。」問她有何keepfit心得，她說：「我都冇乜點keep，可能同我近年食齋有關係。」
萬綺雯在這輯性感靚相中又穿上傳統沙龍浸在水中，大擺出水芙蓉的甫士，謀殺陳十三不少菲林，她說：「呢次玩得好開心，因為環境同心情嘅影響，心情都靚啲，所以啲相出嚟嘅效果都好滿意。」問萬綺雯送了甚麼禮物給陳十三做結婚三周年禮物，她說：「我索性包咗自己畀老公。」
採訪：比華利