黎姿在上周播完的無綫劇集《黑夜彩虹》演奸角，結局時更以死收場，但她的死卻甚有價值，吸引了二百五十九萬人收看，令黎姿甚驚喜。
黎姿（GiGi）在無綫劇集《黑夜彩虹》初演奸角，得到不俗的成續，創下四十點收視，約二百五十九萬觀眾收看，觀眾因她得到報應而大快人心。
雖然角色惹人討厭，GiGi卻不介意，她日前接受記者訪問時說：「今次演呢個奸角，得到好大迴響，真係死都死得好開心，死多幾次都唔怕。𠵱家拍緊套新劇《鳳舞香羅》，我結局都要死，希望都可以帶挈有四十點收視。」
GiGi當初知道要在《黑》劇演奸角時，經過幾番內心掙扎，擔心演這個角色吃力不討好，不過到劇集播出之時，GiGi反而希望成為令人討厭的人，她說：「角色做得愈衰，證明我做得愈好、夠入戲，觀眾話我好奸好衰好恐怖，我反而要講聲多謝，最重要係做到乞人憎先算入戲。」
GiGi目前正忙於拍攝《鳳》劇，劇中有十幾個不同造型，以旗袍為主，她說：「好多件旗袍都幾薄幾透明，所以要買好多肉色內衣打底，加上又係低胸露腿兼貼身，凸顯身材，算係近期最性感嘅戲。而為咗襯番個造型，我重出動私伙頭飾同首飾，以前買落冇着過嘅鞋，重可以攞番出嚟着。」
採訪：魯萍
