梁漢文（Edmond）、盧巧音、關心妍、E-kids及EO2等昨日到澳門旅遊塔出席「澳門流行音樂節高SING蹈音樂嘉年華2003」記者會，Edmond表示今次到澳門，可乘機與盧巧音到旅遊塔視察環境，好讓何超儀與陳子聰結婚時可以盡情玩樂。
Edmond說：「我哋可以部署吓點樣去玩Josie（何超儀），到時我會做兄弟，個婚禮應該有好多嘢搞。」問Edmond可有想過自己的婚禮怎樣搞，他說：「我鍾意旅行結婚多啲，我想去埃及。」
而盧巧音就表示：「Edmond未同我傾玩超儀嘅嘢喎，視察環境都係等到時自己玩啫，唔係玩人。」
記者駱華齡澳門直擊