八方同大批行家噚日一早去政府總部等老董同高官返工，追問7.1遊行後嘅反應，但各位高官返工時都面黑黑粒聲唔出。
可能老闆心情唔好，政務司司長曾蔭權噚日一俾問起有關遊行嘅問題即時黑口黑面，成日都冇睬過記者；佢下晝行去特首辦見老董，大家追訪佢時有記者跌咗部電話落地，由於場面混亂，個記者都唔理得部手電咁多，煲呔見狀竟然彎低身幫記者執起部電話，不過就始終冇開金口，又係嘅，老細都未開口，佢又可以講乜呢？唔使照稿讀多一次廢話啩。陳國良攝
（圖）煲呔幫呢位靚女記者執番個電話。
傳真︰2623-9278
電郵︰