香港上市公司數目噚日剛剛達到一千，而第一千家上市公司就係呢排新聞多多嘅展鴻控股。呢間喺內地生產馬口鐵罐嘅公司，原定上個月十九號上市，點知臨上市前一日俾聯交所叫停，要求交多啲補充資料，其間又傳有匿名信，又傳包銷團要求退飛。
不過，最終間公司上個禮拜四宣布，可以係噚日上市。本來展鴻按原計劃時間表上市，咁第一千家上市公司就會係星期一上市嘅寶業或海域化工，如果展鴻上唔到，則會係今日上市嘅陝西西北新技術。
雖然展鴻做咗第一千家公司，但噚日嘅上市儀式，交易所都冇搞慶祝活動，八方問過交易所，佢哋答話所謂一千間，係主板八百七十五間，加埋創業板既一百二十五間，至於慶祝，佢哋話冇諗過喎。
傳真︰2623-9278
電郵︰