昨日有報道指Beyond成員黃貫中（Paul）事先張揚會參加7.1大遊行，最後卻只顧睡覺而缺席遊行云云，其實前日有不少人目睹阿Paul隨人潮上街示威。有關報道出街後，本報即接獲不少讀者的電郵，出示多張阿Paul參與遊行的照片，證明阿Paul絕非得把聲。
記者昨日聯絡阿Paul的助手阿龔時，他表示阿Paul確有參加遊行，昨早則已飛往外地旅行。阿龔說：「我哋喺噚日三點幾過去銅鑼灣，佢約埋自己啲朋友一齊去，有成二十幾人。我哋都冇約過記者，係啲記者打嚟問，我哋冇理由要等埋佢哋至一齊行㗎！」
阿龔又指阿Paul的女友朱茵未有參與遊行，而阿Paul則是與大班band友朋友，包括樂隊臨記的成員一起出發，對於被指瞓覺甩底一事，他說：「冇所謂，當時有好多人見到阿Paul，大家平常心支持件事，又唔係要博影相。」
採訪：朱芷瑩