全新萬事得RX-8跑車嘅推出，可算係車壇熱門話題之一，繼其RENESIS雙轉子引擎榮獲"InternationalEngineoftheYear"獎項後，萬事得RX-8女子方程式大賽，亦將會成為熱門話題。因為萬事得RX-8女子方程式大賽，係全球首個為女性而設嘅方程式賽事，除能說明方程式賽事已非男性專利活動外，再加上萬事得喺科技上不斷創新，實能令呢次萬事得RX-8女子方程式大賽，將汽車運動提升至另一頂峯。
其實，大會方面經已響今年初，喺英國伯明翰正式公布呢項賽事嘅有關詳情，並預期到9月14日截止報名日期前，報名人數將達2,400名；報名人士需接受大會嘅體能及駕駛測試，以挑選16名參賽者，競逐第一屆萬事得RX-8女子方程式大賽冠軍。另外，由於萬事得係呢項大賽嘅贊助商，所以屆時將提供18部RX-8及6部MX-5作比賽專用車。