向海嵐最近當選新一屆慧妍雅集會長，原來小時候的她已甚具領導才能，小學二年班曾獲同學推選為班長，又做過保母車車長，但當車長時每天都要最後一個返家。
向海嵐一九九八年當選港姐冠軍後，加入由歷屆港姐組成的慧妍雅集，最近更當選為新一屆會長，原來小學二年班時，她已獲同學推選為班長。
向海嵐日前說：「細個唔知做班長有乜嘢責任，但最鍾意係可以幫老師派簿同刷黑板，不過大個咗就體會到做班長可以訓練一個小朋友嘅責任感。」
小時候的向海嵐除了做過班長，亦是保母車車長，她說：「小學時候搭保母車返學、放學，其實由學校到屋企唔係太遠，嗰時規定照顧小朋友嘅車長係最後落車嘅，為咗做車長我每日就變成最後返屋企嗰個，不過我一啲都唔介意，重好開心㖭。」
向海嵐是獨生女，雖然沒有兄弟姊妹伴她成長，但她從小已積極參與課外活動，所以從不感覺孤獨，她說：「我做過小女童軍，四歲開始學彈琴，八歲學芭蕾舞，後來因為功課忙，所以放棄跳芭蕾舞，專心學彈琴。十六歲考到八級鋼琴，之後屋企人送咗我去加拿大讀書。」
向海嵐曾任慧妍雅集副會長，如今成為新一屆會長，她坦言有壓力，她說：「做會長更加要擺多啲時間落去，好似一個帶頭作用咁，希望盡量做好啦！」
採訪：卓美娟
