譚詠麟和李克勤前晚在紅館舉行一連六場「左麟右李」演唱會的尾場，全場爆滿。前日是7.1大遊行，超過五十萬巿民上街，宣洩對政府的不滿。阿倫和克勤在演唱會首場時，曾公然在棟篤笑環節上揶揄特首董建華太太和政府高官如財爺梁錦松和衞生福利及食物局局長楊永強等。但二人前晚卻自我審查，對於大遊行和取笑高官的話題都封嘴不提。
其實阿倫和克勤在第二場演唱會時，已刻意把揶揄政府高官梁錦松和楊永強的部份刪去。前晚阿倫在台上問在場觀眾說：「大家有冇上街？」克勤聞言即阻止道：「唔好講呢啲嘢！」阿倫跟着便說：「發洩過就算，我哋繼續唱多首歌。」二人接着唱了一曲《左麟右李》，演唱會便圓滿結束。
完騷後二人便到佐敦大華酒店出席慶功宴，問克勤為何阻止阿倫談7.1大遊行？他說：「唔好啦！避得就避，我哋始終會影響人睇法，每個人立場唔同，我唔想攞呢啲嘢嚟講笑。我哋喺第一場之後都冇講，第一場講都係撞吓撞吓。」而記者追問阿倫在台上欲言又止的一番話到底是甚麼時，他說：「我喺台上亂噏，落到台就唔記得想講乜。」
採訪：胡比
攝影：仇志德