每個女人總希望有個好歸宿，阿玲亦不例外，可惜七年的婚姻，不但未能帶給她幸福，反而造成極大的傷害。「我覺得好唔開心，咁多年嚟佢都冇真真正正關心過我，亦冇照顧過囡囡，覺得佢好唔負責任。」說起這段不如意的婚姻，阿玲涕淚漣漣。
三十歲的阿玲原籍湖南，九六年下嫁在港從事電力技工的丈夫，展開一段中、港婚姻。「其實初初我哋感情都幾好，佢不時都有返嚟探我，但自從囡囡出世之後，大家就好似有啲隔膜。」阿玲的女兒今年三歲半，就讀幼兒園，這些年來都是由阿玲獨力照顧。
去年阿玲兩母女獲發單程證來港，她一心藉此與丈夫修補關係，可惜始終未能如願，兩人月前正式辦理離婚手續。阿玲紅着淚眼表示：「我覺得最對唔住嘅係囡囡，佢成日都問我爸爸去咗邊，我就呃佢爸爸去咗好遠嘅地方返工。」
阿玲現與女兒靠綜援金過活，雖然生活得到基本的保障，但近日卻為一筆搬遷費而煩惱。「𠵱家我住緊嘅地方係屬於我前夫嘅，離婚之後佢要我搬走，事實上，我自己都唔想再留喺度，不過一下子我真係攞唔出錢搬屋。」阿玲悲慼地說。
按照現行社會福利署政策，只有領取綜援的長者及傷殘人士，才會獲發搬遷津貼，阿玲此類單親家庭，需要自行想辦法。蘋果日報慈善基金有見阿玲的困難，即時撥款一萬二千元予她，應付新居搬遷開支。 捐款編號：C1013
暖流熱線
電話:29908688
傳真:23702192
電郵:
網址：