阿嬌唔認得余文樂

女子組合Twins、余文樂、方力申及MiniCookies等，昨日在尖沙嘴出席無綫的「全能青少年十面展才華」宣傳，Twins更被委任為青少年暑期活動大使。成員鍾欣桐（阿嬌）曾跟余文樂傳緋聞，故二人昨日同場出現似乎十分避忌。

保持距離
余文樂昨日率先到場，當見到緋聞女友阿嬌進來，他即走到Ba叔身邊傾談，大會安排眾星拍大合照時，他又跟阿嬌保持距離。余文樂解釋說：「我唔係避阿嬌，只係Ba叔叫我傾偈，我咪行過去囉。」
阿嬌和蔡卓妍（阿Sa）異口同聲表示認不出駁了古烈治髮型的余文樂，阿嬌說：「我冇刻意避，真係唔認得佢，個髮型襯唔襯佢就見仁見智。」
此外，Twins跟容祖兒將隨團在香港一日遊。而馬浚偉昨日否認跟陳豪一同爭張可頤，他說：「我要劃清界線，我同張可頤只係好朋友，唔明點解一有新劇播就有呢啲話題出現。」採訪：馮美茵
攝影：陳慧安

Twins的鍾欣桐（左）及蔡卓妍擔任青少年暑期活動大使。

余文樂（箭嘴示）刻意避開緋聞女友阿嬌（右二），故意相隔甚遠而坐。