現年二十四歲的日本女歌手濱崎步，最近為配合她主持的電視節目《ayuready?》，於湘南海灘興建了一間充滿峇里feel的小屋，取名「ayuready？RAINBOWHOUSE」，該店專為當地的遊人和泳客而設，除出售步姐嘜頭的精品之外，更售賣由她挑選的泰式咖喱雞和蒜蓉雞翼等小食，不過此舖只會營業到下月底。
前日新舖開張，加上步姐現身造勢，吸引近三千名fans到場。步姐說：「如果我好鍾意嘅桑田佳祐嚟到就最好，能夠同佢喺度唱歌，真係死而無憾。」
不過當日天公卻未有造美，整天不斷下着傾盆大雨，工作人員惟有急急忙忙為步姐的節目錄影，連步姐亦苦笑說：「我諗自己應該係雨之女，搞到今日係咁落雨。」
另一方面，據昨日出版的《NaitaiSports》報道，一名藝能記者大爆步姐原是一名沉迷巫術的恐怖女人，他說：「濱崎步雖然平日有大班馬仔跟住，但其實佢唔信賴任何人，冇人同佢傾心事，所以佢沉迷一種叫『黑魔術』嘅巫術，成日喺屋企起壇占卜同請鬼幫忙，甚至落人降頭。」