「李國寶是傳媒的寵兒。」八方聽好多傳媒朋友講過呢句說話，新一期《茶杯》月刊嘅李國寶專訪，亦以呢句開頭。今次訪問嘅唔係寶哥哥嘅政治觀或愛情生活，而係佢喺劍橋大學嘅輕狂歲月。
寶哥哥話佢自小讀書都同兄弟姊妹鬥好，成績差就要罰唔准聽心愛嘅《嗱喳和尚》廣播劇。十三歲，寶哥哥小學畢業要去英國留學，逢單數日就跑步半公里，雙數日跑一公里鍛煉身體；喺寄宿學校讀書嗰陣，每日都要食隔夜麵包，於是練成一項奇技，就係用手摸一摸就知道麵包隔咗幾多日。
最後一個小秘密，係佢三十歲喺英國學成做咗會計師之後，再到科威特做顧問，六九年回港，佢第一份工唔係東亞，而係和黃；但因和黃債務重，佢就入東亞做助理經理，月薪二千四百元，每年一萬花紅。
傳真︰2623-9278
電郵︰