由民間人權陣線主辦嘅7.1大遊行空前成功，連負責人蔡耀昌都「開心到唔記得」，市民熱心捐獻更令佢感激不已；當晚共籌到五十幾萬，如果7.1有五十萬人上街，即係話平均一人捐咗一蚊。當然，有唔少市民好大手筆，一捐就成一千幾百，有李柱銘做生招牌嗰架籌款車果然最勁，佢一個人已經籌到唔少，馬丁同人握手重握到手痛，佢話每個人為表示誠懇，都出晒力握手，原來女士們都好大力；蔡耀昌、鄭家富同涂謹申佢哋叫咪叫到聲沙都抵番。
今次主辦7.1遊行，民陣用咗二十萬元作行政兼宣傳費，蔡耀昌話非常多謝，非常感激啲市民，佢哋覺得好鼓舞，如果政府死不悔改，七月九日佢哋會再接再厲，包圍立法會。
傳真︰2623-9278
電郵︰