「我覺得佢（特首）好可憐，佢唔諗吓我哋去到烈日當空，佢重喺度祝酒慶祝，其實佢內心羞唔羞愧呀？」
———譚小姐
「我嘅遊行口號係『咪當我老襯』，一句已經講晒；政府當個個都係儍嘅，有時最儍嘅係佢自己。」
———張先生
「我七十幾歲，一點鐘去到，夜晚九點半行足全程，實在好辛苦！希望董建華聽吓民意，佢樣樣都一意孤行。」
———鄭婆婆
「已經對政府好失望，冇乜嘢我哋可以做到；佢哋唔會聽民意，我哋做啲乜嘢佢都會話我哋俾人煽動、唆擺。」
———陳太
「我哋係要話畀佢(葉劉淑儀)聽，我哋唔係去行街。我哋冇機會用隻手投票，只可以用隻腳行出嚟。」
———陳小姐
資料來源：商業電台《風波裡的茶杯》
「我哋支持23條，但係唔支持咁樣嘅23條，咁草率、犯眾怒咁立法。」
———醫生蔡先生
「會計界議員李家祥最近才用電郵諮詢業界對23條意見，以往從無問過，希望他會憑良心投票。」
———會計師盧先生
「政府的所作所為，不單普羅市民反感，我哋作為統治工具都反感……」
———消防員李先生
「一方面聲稱創造職位，一面刪合約人手，左手打右手。」
———公務員陳先生
「今日要考試，噚日都要去遊行，因為董建華幾年就落台，惡法係一生一世。」
———中三學生鄭同學
「擔心23條係由法治到人治嘅第一步……點解一定要七月九號通過，希望某啲議員唔好再侮辱市民嘅智慧。」
———黎先生
「（社會氣氛）好悲哀，人心無奈，唔知點算……董建華話自己同市民一致，真係好笑，佢講嘢不嬲都好好笑！」
———杜太
「遊行完成晚瞓唔着，口尋日應該超過五十萬人……點解咁多人被誤導，政府應該徹底諗吓。」
———黃先生
「因為要返工冇去遊行，但係我好想多謝遊行人士代我說出心聲。」
———張女士
「點解政府會令市民咁樣，我好慶幸自己移民得早，但好多親友仍留在港，好心痛！」
———石小姐
資料來源：香港電台《千禧年代》