前日7.1大遊行有多達五十萬人上街反23條，有傳有唱片公司不許歌手談政治，身為歌手的張學友亦沒有上街遊行。
昨日學友到港台接受訪問時，強調自己是以市民身份談7.1遊行，他說：「我對23條唔係好清楚，只係我覺得好多國家都有自己嘅國家法，我哋係可以參考吓人哋點做。我覺得噚日（即前日）去遊行嘅人唔一定係為咗條法例，係唔開心先去啫。」
問他見到這麼多人一同遊行有否感動時，學友說：「感慨就真，感動係嗰度啲人，我好開心係冇事發生，因為成幾十萬人喺條街度喎。」
學友下周四（十日）生日，他坦言生日願望是希望香港會更加好。學友已經兩年沒有推出廣東專輯，現時他正忙於籌備出碟事宜，原來他亦曾考慮推出兒歌專輯，他說：「怕風格會亂，所以暫時只得個諗字。」學友又表示女兒甚有音樂天份，不過卻無意讓她加入娛樂圈。 採訪、攝影：駱華齡