搽Cream　游水　肥婆按摩
黃琛如爆34C堅挺秘密

黃琛如早前在泰國拍攝處女寫真，穿上十多套比堅尼，為以最佳狀態示人，她拍攝前不停游泳及塗豐胸膏。對於擁有34C上圍，她自信地說：「我不嬲都挺㗎啦。」

有啤妹之稱的黃琛如（Eva）早前往泰國華欣及曼谷，拍攝處女寫真集。她在當地逗留五日四夜，換上接近三十套衣服，其中有十多套為比堅尼，Eva為以最佳狀態示人，拍攝前更日以繼夜進行地獄式喼弗，結實肌肉。

「唔係大唔會墮」
Eva擁有34C、23、34的魔鬼身材，記者昨日在電話中問她有何豐胸之道？她笑說：「搽cream（指豐胸膏）囉，我不嬲都挺㗎啦，唔係大嗰啲，唔會墮，咁我一向又貪靚，成日都做gym、游水、keepdiet（節食）嘅。」
赴泰之前，Eva又專程往美院容作最後衝刺，她說：「我有用機減肥、推淋巴、做facial，我對影出嚟嘅相都滿意，遲吓我重會喺香港補拍，希望效果再好啲啦。」
Eva取景的地方，不離沙灘及度假村，未知她有否嘗試裸泳？Eva大笑說：「我冇帶男朋友去，唔敢呀，我都未試過裸泳，除非地方好私人，我至會試。今次有咁多男工作人員喺度，唔好意思嘅。」

怕踩背受唔起
由於這次行程緊密，故Eva只有少許時間外出購物及拜四面佛，不過她亦有找來當地人為她按摩，她說：「我搵咗一個有成二百幾三百磅嘅肥婆幫我按摩，因為個個男人都唔搵佢，其實佢手勢好好，但我唔敢畀佢踩背，我受唔起呀。」
採訪：朱芷瑩