絕少拋頭露面上街遊行的香港大律師公會前主席湯家驊，因政府不聽民意，一意孤行為《基本法》23條立法，迫使這位遊行稀客也衝破心理枷鎖，與五十萬市民一起上街遊行，強烈要求政府，「為香港着想，為下一代着想，應該聽吓市民心聲。」他警告：「若政府仍視若無睹，蔑視呢股強大嘅民間力量，咁呢個政府唔再屬於香港人！」
湯家驊不諱言，大律師在思想及意識上都較保守，而且受到行規影響。他一直認為，大律師行事不應「高調」，所以自成為大律師後，他絕少參加遊行及派發傳單等宣傳活動。他說：「咁耐以嚟我只係參加過反對人大釋法嘅遊行，因為我始終都很難衝破呢個心理關口。我以為嗰次會係我絕無僅有嘅遊行。」
他今次決心上街遊行卻是為勢所迫。「今次係政府迫成嘅，因為23條凸顯到政府對民間嘅訴求不瞅不睬，咁我哋惟有站出嚟，向政府表達我哋嘅訴求。為咗下一代着想，為咗爭取自由民主嘅香港，我覺得有必要企出嚟。」不過，湯家驊昨日懷着悲喜交集的矛盾心情參與遊行。他強調：「一方面我覺得香港人要淪落到親自上街為自己爭取權益，好可憐。但另一方面我見到原來反對23條唔止係我哋『小圈子』嘅意見，好多市民都同樣有咁嘅意見，令我好開心。」
在湯家驊前往維園期間，不少市民主動與他打招呼，更有素未謀面的市民向他言謝及稱讚他，強調：「香港𠵱家只係靠你哋（法律界），如果唔係，香港都唔知會變成點！」湯家驊認為，被迫上街，令他成為大眾認識人物，這與其行事低調及不喜曝光的性格背道而馳，但他只有無奈接受。
湯家驊為減輕參加今次遊行的壓力及宣洩對政府不滿，於昨早六時許便到滘西洲打高爾夫球四個多小時，加上近日公事繁忙，弄致他體力透支。在遊行期間，不時需使用摺椅休息，他自言非常辛苦。但當他在遊行期間見到數以十萬計市民扶老攜幼一起上街遊行，他感到無比興奮，令他對香港前景更表樂觀。他表示：「咁反映香港人已經萬眾一心，大家都爭取民主，我覺得呢個聲音好強大，政府應該聽一聽，睇一睇，究竟香港𠵱家發生緊乜嘢事，如果政府再唔聽民意，咁呢個政府唔再屬於港人，大家就應該站起嚟，登記做選民，要喺立會有強大聲音，先至可以防止佢哋（政府）！」
湯家驊 大律師公會前主席