家福道：
四代同堂齊開餐潮人潮菜大鑊煮

潮州菜，總是貌不驚人。但在平凡賣相的背後，卻只有「自己人」才煮得出風味來！祖籍潮州的陳生，家鄉菜由細食到大，來到香港以後，口味還是變不了，就是五名子女也是食潮州菜大的！

記者：吳佩璇　攝影：陳陶鈞
逢星期一至三、五出版

來自潮州的陳生，自結束製衣生意退休以後，依然擔當一家之「煮」，3年來都負起了下廚重任。教人羨慕的是，陳生一家如處境喜劇般，四代同堂，對上有母親、外母，對下有兒有孫，一頓大鑊飯有成14個人！陳生笑言：「我每日睇餸煮飯，太太買乜餸返嚟，我就煮乜。」以下示範兩道看似簡單的家常菜，就連女兒Mandy都話煮不出老爸的至「潮」風味！因此讀者試煮時別掉以輕心。

送粥最啱　潮州五香菜脯肉丁
別小看這味地道小菜，陳生話並不是太多人懂得煮出傳統味道的。秘訣之一是要用潮式沙茶醬來煮。沙茶醬與一般的沙嗲醬不盡相同，味道更香更濃。本來，材料之一有潮州花生，但陳生略加改良，換上腰果，食落將更脆口，更啱香港人的口味。以下食譜提供的材料份量，看似不算太多，但炒出來竟有成三大碟！加上味道鹹鹹辣辣又夠爽，最啱送粥，又能填飽肚子。當然，如果是潮州粥的話，就更正啦！

用咩料：
瘦肉（半肥瘦）半斤、豆腐乾3件、菜脯600克、冬菇2両、腰果3両
、黃糖4両、沙茶醬110克

好味即食　葱粒蛋花湯
看似比菜脯肉丁更易煮的葱粒蛋花湯，其實就更考功夫。因為這道潮式蛋花，不像我們平時隨便將蛋花打散便算，而是要做到蛋花得來仍有吃蛋的質感，因此不能打得太散，又不能過熟，和着葱粒齊齊入口，才夠口感。就連陳生的女兒Mandy也自歎：「自己煮過好多次，都煮唔番老竇嗰種葱味又香、食落又爽、蛋花又唔散嘅味道！」Mandy幾兄弟姊妹由細飲大，更笑指：「我哋幾兄妹話唔返屋企食飯結果又返，屋企就實煲呢味湯，好味又快手嘛！」這道湯更盡顯潮州人嘅慳家本色，經濟實惠。

用咩料：
蛋4隻、葱10棵、清雞湯375ml、天津冬菜1湯匙

調味：
魚露2湯匙、胡椒適量