應采兒前晚到灣仔會展出席電影首映禮，提到緋聞男友、向華強兒子向展平與張栢芝傳緋聞，她害羞地表示與向展平並非情侶，且對方稍後到英國讀書，二人即將要分開。
鄭希怡（Yumiko）、應采兒、任葆琳和男友、郭秀雲、Boy'Z及賭王何鴻燊妹妹十三姑娘何婉穎等，前晚到灣仔會展欣賞卡通電影《海底奇兵》首映。
應采兒被問到緋聞男友向展平早前被指與張栢芝拍拖，她說：「佢（向展平）係我朋友咋，佢要返英國讀書，暑假過咗就走。」問她會否不開心？她儍笑說：「點解唔開心？冇心酸。」
問應采兒與向展平是否拍拖？她說：「乜嘢呀？好驚呀，我冇呀，我怕醜呀，要入去睇戲。」隨即匆匆入場。
Yumiko、劉青雲及毛舜筠等有份為《海》片配音，Yumiko聲音演繹海星，她說：「隻海星好八卦，但係監製話唔使我扮八卦聲，用自己把聲就得，唔通我把聲好八卦？」
Yumiko又謂自小已很喜歡劉青雲，前晚在後台看到他即邀對方影合照，Yumiko說：「佢係我繼劉德華後第二個偶像，我頭先搵佢合照時好緊張，叫埋佢老婆（郭藹明）一齊影，面都紅埋。」
十三姑娘何婉穎被問到可知姪女何超儀將結婚？她說：「知，不過我未見過佢老公（陳子聰），只係睇報紙見到，都幾好，幾登對呀。」
採訪：WongChingMen
攝影：ChanChiLam
