趙飛雲噚日出街，撞口撞面都係黑衫客，唔使問阿貴都係參加反23條大遊行。香港人踴躍參與反惡法遊行，原因其實好簡單，唔為自己都要為下一代。社會大眾已表態，反對倉卒立法，唔通港府決心要做一個踐踏民意的政府，有關官員甘心背負一世罵名？
港股近日調整，叫做守住250日線（現處9551）防線，但向上反彈力度則有愈來愈弱之勢，短期似乎向下跌穿250日線機會大過先升穿20日線。
不過，周一已在0.127元沽出倉內恒指Put輪9712獲利，主要9712有逾2成利潤及不想冒假期中外圍變化風險。
此外，海域（1220）表現令人失望，開市後迅速跌穿1.37元止蝕位，以平均價1.35元沽出止蝕。上周五海域收市跌穿1.41元收市，其實已有戒心，所以於周一提出跌穿1.37元止蝕的警告，但估唔到跌勢如此急。海域化工（2882）首日上市亦令人失望，高開低收，追貨者皆要損手。
美股7月中進入業績公布期，近日市場呈現一些憂慮反應，美股或有較深調整。港股方面，好淡短期在250日線9550至20日線9746之間爭持，港股調整未完，恒指Put輪較值博，仍是揀9712。
趙飛雲