早前，經已響日本本土正式面世嘅三菱Grandis（即SpaceWagon），自推出以來外間反應不俗，而東南亞各地區亦陸續登場後，據聞踏入7月上旬，香港代理亦籌備新車嘅推出，呢部予人耳目一新嘅豪華MPV，不但外形有脫胎換骨嘅感覺，引擎亦改用一台全新2.4公升MIVEC偈，相信輸出平均之餘，扭力分布亦會理想得多；現今本地MPV市場芳興未艾，相信呢部三菱Grandis，亦會延續舊有SpaceWagon嘅聲勢，會為香港車迷所受落㗎！有興趣嘅用家，就真係要拭目以待喇！至於車價方面，大抵亦只會響24萬上落，絕能媲美本田Odyssey同豐田Previa㗎！