飲食都要追得上潮流，傳統日本料理已不再是「賺錢保證」了。最近一間日式咖啡室亦「靜靜起革命」，由廚房食物到食客格局都徹底大翻新，賣的不再是「獨沽一味」嘅和風美食，而是夾雜了法國、意大利、西班牙等地方小食，炮製新鮮罕見的「日式西餐」，零舍有新鮮感！
記者：何善華 攝影：周旭文
能夠發明多款「新意盎然」嘅美食，廚師嘅質素一定有番咁上下。不錯，身為食店總廚嘅海保茂治，雖然是日本人，但他與一般日籍廚師不同的是，當年他入行係由西餐做起，因此他對日本及外國食物嘅烹調方法和用料都瞭如指掌。
海保茂治雖然對外國食物有一定嘅認識，但他依然好學不倦地到世界各國學習，他曾到過意大利及法國等地，因此食店內嘅全新menu，大部份都是經過他綜合各國美食嘅特點，再利用自己多年入廚經驗，落足成擔心機去研究出來的。「將歐洲食品同日本料理共冶一爐，當然是餐廳噱頭之一。但食物質素絕對有保證，無論選料、煮法，甚至醬料配汁都係我親自研製嘅。」
八爪魚同油甘魚都係刺身，用上大量意大利香草醃製，再配埋海保茂治秘製嘅番茄醬汁，品嘗時可感到口腔正進行一場「日本對意大利」的美食大比拼，當然，誰勝誰負不再重要，因為已經好味到吞晒落肚了。
用上酷似白飯魚嘅日本銀魚，經煎炸後更易入口，重有青菜、法包等配沙律必備嘅材料，再配以特製嘅意式沙律醬，相信亦是深受女士們歡迎嘅食物之一。
這道菜式特別在不是熱食，大廚炮製嘅冷食燒牛肉件，表面上似乎仍是歐洲美食，但只要加點葱花、蘸上wasabi或醬油汁，便變成令你大快朵頤的「聯合國」菜。
「邊食」一詞等同街頭巷尾嘅小食，大材料用上日本料理慣用的三文魚及帶子，配以西班牙feel好重嘅紫菜絲、法包等，細細件容易食。
洋食居酒屋 電話：27492088
地址：奧海城2期高層地下UG62舖
營業時間：12:00nn-3:00pm,6:00pm-11:00pm