一向風趣幽默的藝人杜汶澤，昨日專誠從廣州趕返香港，參加反23條立法的大遊行。他一本正經地說：「23條有咁多人反對，點都唔啱啦。每一個地方，都會有保安法，有自己嘅法例，睇吓點行使同點把握。我覺得呢條法例似一把槍，要睇吓把槍係邊個揸，係咪喺有智慧同智商嘅人手上。行政長官同管理嗰班官員，情緒同智商都低過人，揸權即係危害人權。」
杜汶澤昨與女友田蕊妮全程十指緊扣參與大遊行，二人並相約了吳君如和其導演男友陳可辛同行。四人一直行至晚上八時，歷時四個半小時，他們並沒有走到終點中環政府總部，行至中環滙豐銀行總行便離去。
杜汶澤昨晨還在廣州拍攝電視劇，中午時分專程趕返港參與大遊行，抵埗時仍穿着戲服—白恤衫和牛仔褲。
問及參加遊行的目的，他笑稱，參加遊行是因為支持電影《無間道II》和《人妖打排球II》，然後又說：「我嚟遊行係抒發身心，做吓運動。」幽默過後，杜汶澤收起笑臉，說明是為了反對23條立法，擔心權力落在情緒和智商都有問題的領導人手中。
再追問可否就行政長官和政府官員的情緒及智商偏低作闡釋，杜汶澤說：「鐵證如山啦，你睇吓楊永強嘅脾氣、葉劉淑儀嘅專橫，完全唔合格，叫人失望，連信用卡同明信片都未分清楚嘅行政長官，係咪令人擔心呢？」
對於國務院總理溫家寶在港發表的言論有何看法，杜汶澤稱：「呢個我冇意見。不過中國內地政府以溫和嘅手法處理，我覺得係漸趨成熟嘅表現。」
遊行後，他又說：「我好開心，亦好感動，證明香港嘅巿民冇放棄自己，縱使香港嘅政府放棄我哋。今日沿途，我一個急救站都見唔到，如果有阿婆同小朋友暈低，咁點算呢？香港政府，完全當我哋係蟻民，紅館出邊都有聖約翰救傷隊啦！如果係我眼大睇過龍嘅，咁咪講聲唔好意思，但我真係見唔到。而且啲垃圾桶係完全唔夠，不過香港人好乖好守規矩，啲巴士停晒喺度，要衝上去打爛玻璃好容易，但冇人咁做，啲茶餐廳做生意亦完全唔驚，證明香港人真係好自律。」
問及田蕊妮是否因為男友而參加遊行，她強調「唔係，我自己都好想嚟。」
杜汶澤 藝人