俄羅斯二人女子組合Tatu，上個星期喺日本宣傳時，真係搞到滿城風雨。大前日Tatu喺記者會度話十一月會再去日本之後，前日即刻傳出佢哋到時會喺只有巨星級歌手及組合先至夠班踩場嘅東京巨蛋棒球場開騷。不過，佢哋所屬嘅環球唱片公司喺日本嗰邊嘅工作人員，似乎已經怕咗兩位妹妹，佢哋話Tatu下次再到日本嘅機會好微，根本冇正式決定過會開騷㖭。