演藝界齊表態　陳海琪憂下一代
蘇絲黃：聰明人唔要蠢政府

陳海琪、蘇絲黃、王喜及蔡子健等，昨日都不約而同參加「7.1大遊行」，蘇絲黃表示自己是聰明人，不要蠢政府統治。而陳海琪則表示希望下一代能活在民主自由的社會中。

昨日7.1大遊行，不少藝人都自願上街，包括王喜與蔡子健、蘇絲黃、陳海琪、周文健及魏秋樺等，齊齊發洩對政府的不滿。

「政府冇理我哋」
陳海琪和蘇絲黃昨日在遊行隊伍中相遇，互相打招呼，陳海琪說：「我代表傳媒出嚟講嘢，政府過去六年搞到如斯地步，令人擔心，我希望下一代可以喺自由民主中生活。」蘇絲黃則批評政府：「我係聰明人，唔鍾意一個蠢政府統治我哋。」
王喜和蔡子健昨日相約往參加遊行，問到王喜遊行的動機，他搖頭並沒有回答記者問題，而同伴蔡子健則手持相機，沿途把情況攝下。王喜遊行至灣仔時，往附近買食物，然後再與蔡子健滙合繼續遊行。藝人楊英偉昨日亦相約了文化界友人往遊行。
周文健昨日身穿黑色衫出席大遊行，問到他遊行目的，他說：「我係第一次上街遊行，目的當然係反23條啦！以表示我哋對政府嘅不滿，政府一時一樣，之前又話五十年不變，𠵱家只係過咗幾年就乜嘢都變晒，政府冇理過我哋，所以要上街示威。」

「底褲都要檢查」
此外，魏秋樺覺得23條扼殺了言論自由，她說：「祖國都進步中，但香港反而退步，所以我好失望。我希望香港可以搞好經濟，因為沙士之後都元氣大傷，政府重喺傷口撒鹽，政府好應該順應民意。」而一身黑衣的潘源良亦說：「政府好多保皇黨喺度，就似借刀殺人，冇人覺得香港唔需要國家安全，政府咁做好似我請個保安，但佢連我條底褲都要除埋檢查咁。」
採訪：汪正文、卓美娟、魯萍
攝影：陳慧安、陳志嵐