繼日前我哋為大家介紹過日產新款Presage後，德國平治車廠亦宣布推出全新Viano車系，以求在MPV市場上分一杯羹；新車無論造型抑或車廂配搭，都予人留有深刻印象。不如家陣一齊嚟先睹為快，睇睇新車有何吸引力啦！
全新Viano圓渾嘅車身線條，響炯炯有神嘅頭燈組合襯托下，令造型望落別具有一份吸引力；而車廂空間亦見寬敞闊落，座椅編排更可按不同版本（Fun、Trend、Ambiente及MarcoPolo）而有所不同，以滿足用家需要，另外，左右雙趟門及齊全車廂設備配搭，亦為能乘客帶來不少方便呢！
平治廠方為全新Viano，提供分別係3.0V6（190匹），以及輸出218匹嘅3.2公升V6電油偈供用家選擇，除有慳油好力嘅表現之外，就連廢氣排放量重經已符合歐盟四型環保條例，從而為環保進一分力；另一方面，喺歐式懸掛組合以及多套電子系統輔助下，循迹表現亦予人有莫大信心㗎！